Извештај од овластен ревизор за 2014

Здружението на внатрешни ревизори на Македонија (во понатамошниот текст “Здружението”) е здружение на граѓани кое е формирано согласно Законот за Здруженија на граѓани и фондации (Сл.весник на РМ бр.31/98 и 29/07) и како правен субјет е запишано во Централниот регистар на РМ со единствен даночен број 30120110048214. Седиштето на Здружението се наоѓа на бул. „Јане Сандански“ 88/4-7. Негов матичен број е 6380140. Статутот на Здружението е усвоен на 6 јуни 2008 година и е во согласност со Законот за Здруженија на граѓани и фондации.

Статутот ги дефинира целите и задачите на Здружението, формата на здружување, организирање, називот и седиштето, потребните барања за стекнување и прекинување на членство, правата и обврските на телата на Здружението, неговото застапување, финансирање и останати работи.

Основни принципи на организирање

Здружението е независно, невладино, непрофитно здружение на граѓани, кое е основано со слободната волја на граѓаните за здружување, остварување на основните права и слободи, отворено и транспарентно за јавноста и отворено за нови членства, организирано за промоција на професијата внатрешен ревизор и нејзините принципи во Република Македонија. Транспарентност во работењето се постигнува преку објавување на печатени материјали, организирање на семинари, обуки и курсеви за постигнување на сертификација на CIA за своите членови, информации во јавните медиуми, веб-страница и други форми на комуникација на членовите и сите други заинтересирани за активностите на Здружението.

Основни цели

• Развој на професијата внатрешен ревизор во Република Македонија;

• Подобрување на знаењето и стручноста меѓу своите членови;

• Заштита на интересите на своите членови;

• Создавање на професионално единство и меѓусебна поддршка на своите членови;

• Зголемување на степенот на професијата внатрешен ревизор;

• Одржлив развој на нови методи, техники и инструменти за вршење на внатрешна ревизија;

• Умрежување и промоција на соработкат, синергијата во развојните процеси и размена на искуства и знаења на регионално и меѓународно ниво;

• Доследно насочување и планирање на помош и поддршка на своите членови и други заинтересирани лица кои ќе се реализираат во CIAсистемот на учење и програмските активности;

• Да се ​​поддржи растот на сопствените ресурси во оперативните области и проекти во кои ќе бидат вклучени;

• Обука на различни нивоа и учесници (техничко и стручно образование), особено обука на стручни тимови во внатрешната ревизија за теми поврзани со професионалниот развој на внатрешната ревизија; и

• Други активности кои ќе водат кон подобрување на локалната професија на внатрешен ревизор во целина.

Придружните финансиски извештаи се подготвени во согласност со Законот за сметководство на непрофитни организации (Службен весник на Република Македонија бр. 24/2003), како и Правилникот за сметководство на непрофитни организации (Службен весник на Република Македонија бр. 42/2003).

Финансиските извештаи се подготвени врз основа на модифицирана готовинска основа.

При составувањето на овие финансиски извештаи Здружението ги применува сметководствените политики кои се обелоденети во Белешката 3 кон финансиските извештаи.

Функционална и извештајна валута на Здружението е македонскиот денар (“Денар”). Сите износи во финансиските извештаи и соодветните белешки се прикажани во илјади денари, освен доколку не е наведено поинаку.

1. ПРЕГЛЕД НА ЗНАЧАЈНИ СМЕТКОВОДСТВЕНИ ПОЛИТИКИ

3.1        Признавање на приходи и расходи

Приходите и расходите се признаваат според начелото на модификувана готовинска основа на деловните промени, односно трансакции.

Приходите се признаваат во пресметковниот период во којшто настанале според критериумот на мерливост и расположливост. Приходите се мерливи кога можат да се искажат вредносно. Приходите се расположливи кога се остварени (наплатени) во пресметковниот период или во рок од 30 дена по истекот на пресметковниот период под услов приходите да се однесуваат на пресметковниот период и служат за покритие на обврските од тој пресметковен период.

За ивршените услуги, приходите се искажуваат по објективната вредност на примениот надомест или побарувањата од редовниот тек на активности на Здружението.

Расходите се признаваат во пресметковниот период во којшто настанале или во рок од 30 дена по истекот на пресметковниот период, под услов обврската за плаќање да настанала во тој пресметковен период.

3.2       Износи искажани во странска валута

Трансакциите настанати во странска валута се искажуваат во денари со примена на официјалните курсеви на Народна Банка на Република Македонија кои важат на денот на трансакцијата. Средствата и обврските деноминирани во странска валута се искажуваат со примена на официјални курсеви кои важат на денот на составувањето на Билансот на состојба. Нето позитивни и негативни курсни разлики, кои произлегуваат од конверзија на износите искажани во странска валута, се вклучуваат во Билансот на приходите и расходите во периодот на настанување.

3.3        Опрема

Опремата се евидентира по набавна вредност намалена за акумулираната амортизација и акумулираната исправка на вредност, доколку има.

Набавната вредност на опремата се состои од фактурната вредност, вклучувајќи ги и увозните давачки иданоците при набавка кои не се побаруваат, како и сите останати трошоци кои директно се припишуваат на трошоците за ставање на средството во работна состојба и локација за наменетата употреба.

Амортизацијата се пресметува со отпишување на набавната вредност на средството во текот на неговиот корисен век, со употреба на праволиниска метода. Годишната стапка на амортизација која се применува изнесува 10%.

1. (продолжува)

3.4        Побарувања од купувачи и останати побарувања

Побарувањата се признаваат и евидентираат по фактурна вредност намалени за исправка на ненаплативите побарувања. Проценка за сомнителните и спорни побарувања се прави кога не е повеќе веројатно наплатувањето на целиот износ. Спорните побарувања се отпишуваат кога ќе се идентификуваат.

3.5       Парични средства

Паричните средства се состојат од пари во банка и пари во благајна во денари и странска валута.

3.6        Обврски спрема добавувачи и останати тековни обврски

Обврските спрема добавувачите и останатите тековни обврски се прикажуваат по нивната номинална вредност.

3.7       Данок на добивка

Согласно Законот за данок на добивка, непрофитните организации се ослободени од плаќање на данок на добивка за приходите остварени од членарини, спонзорства и донации со наменски карактер, кои се наменети за вршење на дејноста и чија единствена функција е само прибирање и распоредување за одредена намена.

Данок од добивка за 2014 и 2013 година се состои од данок од добивка кој се пресметува на одредени даночни непризнаени расходи. Даночна стапка за двата прикажани периоди е 10%. Пресметувањето и плаќањето на данокот на добивка се направени во согласност со одредбите на Законот за данок на добивка врз основа на кои се пресметува данокот на добивка за годината само на непризнаени расходи и исплата на дивиденди и други лични распределби на Здружението од изворите на средства, ако ги има.

Приходи од членарини се однесуваат на приходите собрани од страна на Здружението од своите членови во текот на годината. Годишна членарина за поединец изнесува 1,8 илјади денари (2013: 1,8 илјади денари).

Приходите од услуги се однесуваат на редовните годишни обуки и курсеви организирани од страна на Здружението за своите членови и бизнис заедницата. Приходи од спонзорство и котизација произлегуваат од организирањето на Првата меѓународна конференција на Здружението во текот на октомври 2013 година, на која учествуваа реномирани меѓународни предавачи од професијата.

6.       МАТЕРИЈАЛНИ РАСХОДИ И УСЛУГИ

Трошоците за членарина се однесуваат на годишна членарина платена на Институтот за внатрешни ревизори, Флорида, Соединети Американски Држави.

1. 7.         ДАНОК НА ДОБИВКА

Тековниот данок на добивка се пресметува врз одредени трошоци кои не се одбиваат за даночни цели.

1. 8.         ОПРЕМА

1. 9.         ЗАЛИХИ

1. 10.        ПОБАРУВАЊА ОД КУПУВАЧИ

1. 11.        ПАРИЧНИ СРЕДСТВА

1. 12.        ОБВРСКИ КОН ДОБАВУВАЧИ